Oasseváldiláhka - guovllut gos leat mearrasámitOasseváldilága § 21 njealját lađđasis nannejuvvo guolástanvuoigatvuohta dorskiid, divssuid ja sáiddiid ektui konvenšonealla reaidduiguin fatnasiidda mat leat vuollel 11 mehtera, registrerejuvvon guolástuslogus olbmuide geat ásset Finnmárkkus, Gáivuona, Skiervvá, Ráissa, Návuona, Gálssáid, Ivggu ja Storfjord gielddain ja guovlluin gos ásset maid mearrasámit Romssas ja Norlándda maid Gonagas mearrida. Lága ovdabargguin biddjojuvvo vuođđun ahte jos galgá sáhttit lohkkojuvvot guovlun gos leat maid mearrasámit, lea mearrideaddji deaŧalaš ahte guovllus árbevirolaččat lea leamaš mearrasámi ássan dihto áiggi. Departemeanta oaivvilda ahte lassin mii bajábealde namuhuvvo sáhttet čuovvovaš guovlluin leat ássan mearrasámit Romssas: Rivttát, Loabat, Skánit, Omasvuotna, Raisa ja Romsa muhto dušše vuođđokretsain: Jøvik, Olderbakken, Lakselvbukt, Lakselvdalen, Sjøvassbotn, Stordal, Sjursnes, Reiervik, Breivika dahje Ullsfjordmoan. Dasa lassin sáhttet gielddat Evenes, Hamarøy, Narvik ja Divttasvuohta lohkkojuvvot mearrasámi ássanguovlun. Loga: Lov om retten til å delta i fiske og fangst (deltakerloven)