Sámediggi atná sámi beroštumiid mielváikkuheami dehálažžan ja mávssolažžan plánabarggus. Sámi beroštumit ja báikkálašservodat sáhttet leat boazoorohat dahje siida, gilisearvi, meahcástansearvi, luossabivdojoavku, guolástanjoavku, sávzaguohtunjoavku, searvvit ja eará beroštupmeorganisašuvnnat. Sámi kulturguovddážat, museat ja sullasaččat gielddain/suohkaniin dahje regiovnnas sáhttet leat dahkan dokumentašuvdnabarggu árbevirolaš máhtus mii sáhttá leat relevánta dán oktavuođas.

Sámediggi ávžžuha suohkaniid/gielddaid ja earáid oažžut ovdan árbevirolaš sámi máhtu guovlluid geavaheami oktavuođas plánaproseassa bokte ja deattuhit dán máhtu seamma olu go dutkanvuđot máhtu plánabarggus.

Loga Sámedikki plánaveahki (PDF, 923 kB)