SuodjalanguovlostivrratÁlbmotmehciid ja stuorát suodjalanguovlluid báikkálaš hálddašeapmi lea vuohki movt gozihit Norgga álgoálbmotrievttálaš geatnegasvuođaid álgoálbmogiid searvamis luondduresurssaid geavaheami, hálddašeami ja suodjaleami bokte sin guovlluin. Sámediggi lea nammadan 42 lahtu oktiibuot 21 álbmotmeahcce- ja suodjalanguovlostivrraide. Lahtut maid Sámediggi lea nammadan álbmotmeahccestivrraide leat válljejuvvon stivrii gozihit sámi beroštumiid buori ja ollislaš vuogi mielde. Sii ovddastit sámi álbmoga danne go Sámediggi lea sin nammadan, muhto eai ovddas njuolga Sámedikki. Álbmotmehciid ja stuorát suodjalanguovlluid báikkálaš hálddašeapmi - Diehtojuohkin Sámedikki nammadan lahtuide suodjalanguovlostivrrain (PDF, 3 MB)