Lov om likestilling og forbud mot diskriminering (dásseárvo- ja vealahanláhka) addá suoji vealaheami vuostá sohkabeali, áhpehisvuođa, riegádahttinpermišuvnna dahje adopšuvnna ja fuolahusdoaimma oktavuođas. Nissonolbmuin ja almmáiolbmuin galget leat seammalágan vejolašvuođat ohppui, bargui, kultuvrralaš ja fágalaš ovdáneapmái. Suodji guoská sihke nissonolbmuide ja almmáiolbmuide, vaikko dásseárvo- ja vealahanlága dahje láhkaásahusa ulbmilin lea erenoamážit buoridit nissonolbmuid sajádaga. Láhka geatnegahttá bargoaddiid, organisašuvnnaid bargoeallimis ja almmolaš eiseválddiid árjjalaččat bargat dásseárvvuin.