Lea deaŧalaš buorebut oidnot ja árjjaleappot juohkit dieđuid ja čađahit rekrutterema dán joavkku ektui. Diehtojuohkin earreortnegiid, stipeandaortnegiid ja bargovejolašvuođaid birra lea hui deaŧalaš dán barggus. Dasa lassin lea deaŧalaš dahkat joatkkaskuvlla ohppiid dihtomielalažžan dasa man deaŧalaš sámegiel gelbbolašvuohta lea ja makkár resursat sii leat boahtteáiggis. Fágagelbbolašvuođa háhkama oktavuođas juolluda Sámediggi stipeandda joatkkaskuvlla ohppiide geat ožžot oahpahusa sámegielain

Sámediggi áigu lágidit karriearakonferánssa sámi nuoraid várás gosa čohkket oahppoásahusaid, bargoaddiid ja sámi nuoraid. Konferánssa mihttomearrin lea ahte nuorat/oahppit geat leat searvan konferánsii leat dihtomielalaččat das makkár árvu sin giellagelbbolašvuođas lea ja dovdet iešguđet karriearavejolašvuođaid mat servodagas leat.

Konferánssain háliida Sámediggi:

• oainnusmahttit iešguđetlágan karriearamannolaga ja oahppovejolašvuođaid
• oainnusmahttit dárbbu sámegiel gelbbolašvuhtii iešguđet servodatsurggiin
• dahkat nuoraid dihtomielalažžan das makkár resursa sis lea sámegiel gelbbolašvuođain

Karriearakonferánsa lágiduvvui njukčamánu 25. beaivvi 2021:s.

Geahča báddejuvvon karrierakonferánssa dás, golmma oasis:

Geahča talkshowa "Maid dál" mii lea inpirašuvdnafilbma mas 19 jahkásaš Mathis Eira hupmá gussiiguin sin oahpuid ja fidnoválljema birra: