Sámediggi atná dehálažžan teavstta ja girjjálašvuođa maid nuorat leat čállán nuoraide, ja seammás movttiidahttit čállit ja lohkat sámegiel teavsttaid ja materiála.

Lesemester AS lea ráhkadan digitála lohkanbálvalusa nuoraidskuvlaohppiide. Lohkanbálvalusas lea sierra portála gosa sihke oahpaheaddjit ja oahppit besset. Portálas leat máŋga finna funkšuvnna mat váikkuhit buoret lohkanmovtta ja eanet lohkanhárjehallama. Portála lea jorgaluvvon sámegielaide, ja dohko leat biddjon muhtun sámi bajilčállaga. Lea dattetge dárbu oažžut olu sámi bajilčállagiid portálii.

Sámediggi háliida ovttasbargagoahtit Lesemester AS:in, ávkkástallan dihte sin digitála lohkanbálvalusa min barggus lohkan- ja čállinmoktaprográmmain mánáid ja nuoraid várás.