Sámediggi vuolggahii riikaviidosaš sámi giellavahkku 2019:s. Boađus lei okta vahkku go sámegielat oidnoje ja gulloje olu báikkiin riikkas, sihke sosiála mediain ja riikkaviidosaš mediain.

Sámi giellavahkku bovttii stuora beroštumi miehtá riikka, ja máŋga aktevrra ledje dan vahkku veahkkin oainnusmahttime sámegielaid servodagas. Lágiduvvoje sihke báikkálaš doalut ja doalut sosiála mediain. Gonagasviessu, Stuoradiggi, Ráđđehus ja ásahusat dego Sámi allaskuvla, Sámi joatkkaskuvllat, Sámi Nationála lohkanguovddáš, Finnmárkkuopmodat, ON gulahallandoaibma, Redd Barna, NRK Super leat muhtun aktevrra mat čalmmustahtte sámi giellavahkku. 

Sámediggi háliida ahte sámi giellavahkku galgá lágiduvvot jahkásaččat, vahkku 43.