Sámediggi lea movttiidahttán dološ sámi báikenamaid čohkkemii giellaprošeavttaid doarjjaortnega bokte, mas báikenammačohkken lea oassin máŋgga vuoruhansuorggis.
Prošeavtta mihttun lea čohkket báikenamaid dakkár guovlluin gos leat unnán čohkkejuvvon báikenamat. Báikenamaid čohkkemis lea konkrehta bargun jearahallat báikkálaš sámegielagiid, ja systemáhtalaččat čállit (transkribere) nammaobjeavttaid. Namat galget sáddejuvvot Sámediggái ja vurkejuvvot, Sámedikkis lea vuoigatvuohta almmuhit materiála ja geavahit dan nammaáššiin. Báikenamat mat čohkkejuvvojit, registrerejuvvojit ja sáddejuvvojit dohkkeheapmái.
Sámediggi lea ásahan ovttasbarggu lullisámi giellaguovddážiiguin lullisámi báikenamaid čohkkema olis. Lullisámi guovlu lea okta dain guovlluin gos leat unnán čohkkejuvvon sámi báikenamat, ja Sámediggi lea dál vuosttaš vuorus váljjen álggahit báikenammaprošeavttaid lullisámi guovllus.