Proposišuvnnas Stuoradiggái evttohuvvon sámelága giellanjuolggadusaid rievdadusaid birra evttoha Gielda- ja guovlodepartemeanta juohkit sámegielaid hálddašanguovllu golmma iešguđet gieldakategoriijii. Rievdadusa ulbmil lea vuhtiiváldit erohusaid iešguđet hálddašanguovllu suohkaniid gielladilis ja dárbbuin. Proposišuvdna sisdoallá earret eará maiddái evttohusa gielddalaš ja fylkkagielddalaš giellaplánemis nannen ja čalmmustahttin dihte sámi gielaid.