Gaskenasjonaale Saemien Filmeinstituhte (ISFI)Saemiedigkie ryöktesth dåarjoem vadta Gaskenasjonaale Saemien Filmeinstituhtese jïh ulmine åtna saemien filmh jïh saemien filmesjugniedæjjah jolle gaskenasjonaale njieptjiem utnieh. Gaskenasjonaale Saemien Filmeinstituhte (ISFI) tseegkesovvi 2007 jïh 2014 jååhkesjimmiem åadtjoeji goh gaskenasjonaale saemien filmeinstituhte. Ryöktesth dåarjoen tjïrrh Gaskenasjonaale Saemien Filmeinstituhtese (ISFI), Saemiedigkie sæjhta dåarjoehtidh guktie filmeinstituhte nuepiem åådtje eadtjohkelaakan saemien spïelefilmh jïh raajroeh evtiedidh. Ulmiedåehkie lea saemien filmebarkijh jïh produseenth dovne Nöörjesne, Sveerjesne, Såevmesne jïh Russlaantesne. IFI edtja aaj aalkoeåålmegefilmh eevtjedh jïh laavenjostoem sjugniedidh ovmessie aalkoeåålmegi filmebyjresi gaskem veartenisnie. Instituhte edtja saemien filmeproduksjovnem nænnoestidh jïh dovne maahtoem jïh dejtie ekonomeles nuepide lutnjedh saemien filmeproduksjovnese. Lissine ISFI edtja laavenjostoem evtiedidh jïh nænnoestidh aalkoeåålmegi filmesïelti gaskem gaskenasjonaale. Saemiedigkie vuajna vihkeles ISFI laavenjostosne jeatjah aalkoeåålmegeinstitusjovnigujmie viehkehte laavenjostoem evtiedidh jïh nænnoestidh aalkoeåålmegi filmesïelti gaskem gaskenasjonaale. Guovdageaidnun tjïelte jïh Nöörjen Saemiedigkie Gaskenasjonaale Saemien Filmeinstituhte AS:m eekieh. Saemiedigkien tjirkije ståvrosne lea ståvroelïhtsege Gunn Britt Retter.