Áimmahuššan - Sámediggedieđáhus sámi kulturmuitosuodjaleami birra mearriduvvui Sámedikki dievasčoahkkimis njukčamánus 2021.  Geassemánus 2025 mearridii dievasčoahkkin ođđa ja reviderejuvvon dieđáhusa. Dieđáhus lea ođasmahttojuvvon ođđa máhtu ja rámmaeavttuid vuođul. 

Dat addá sihke geahčastaga Sámedikki kulturmuitohálddašeamis ja bidjá vuođu máhttovuđot ja boahtteáigásaš kulturmuitohálddašeapmái. 

Revišuvdna guoská erenoamážit sámi kulturmuitohálddašeami rámmaide, sámi hávddiid ja olmmošlaš bázahasaid hálddašeapmái, ja dasto čuovvolančuoggáide mat čatnasit viste- ja fanasgáhttemii ja bassibáikkiide.

Loga Áimmahuššan - Sámediggediedáhus sámi kulturmuitosuodjaleami birra (PDF, 5 MB)