Johtolagat
Luoddahuksen 1900-logus gehččojuvvui heahtebargun, ja bálkáhuvvui guvttiin ruvnnuin beaivái. Luottat mielddisbukte stuora ovdánanlávkki giliid gulahallamii. Duorga lei sierranas meahccegilli mii čadnui oktii ránnjágiliiguin.
Suoidnemánu 1. beaivvi 1927 bohte vuosttaš biillat Duorgai. Náttospárra Henrik ja Elen čuovuiga biilla Evenáššái gos vihahuvvuiga seamma beaivve.
- Luoddabargu sihke nuorttas ja oarjjás Attergårdsluoddaerus lei gárvvis 1916:s.
- Luodda Duorggas Eavstterviika-luoddaerrui álggahuvvui dakkaviđe, ja leai belohahkii gárvanan 1925:s.
- 1929:s lei Jansbakken joga Henrik-šaldi gárvvis. Šaldi navdojuvvui bargojođiheaddji Henrik Øse (1868-1956) maŋis.
- Mátki viidásit Rahkkai ollašuvai 1938:s.
- 1938:s čanai Riikkaluodda 795 Birraluovtta ja Rahkka oktii.
Heikaluodda
Heikaluodda čanai oarjjabeale mearradáluid Duorgái. Øses nuorttas gohčoduvvo luodda Petter Hansa-luoddan dahje Vassbotnluoddan.
Dáluid historjá
Moski/Solli
2020 čavčča gávdnoje viesu ja náveha goahtesajit sullii 100 m otná viesu bajábealde Moskkis. Eat dieđe gii dáppe lea orron, muhto sáhttá Moski vuosttaš ássan, sullii 1700-logu loahpas. Gávdnui maid duktasadji dievá alde gaskkal E10 ja Duorgageainnu.
Anders ja Karen
Anders Johannessen (1796-1847) Roabatvuonas álgovuolggalaččat, ja eamit Karen Johanna Henriksdatter (1806-1881) Livangenis eret fárrii Moskii birrasiid 1830:s. Karena váhnemiin dat lei láhkavuođđu Livangii, mas Moski lea oassi. Anders ja Karen oaččuiga gávcci máná: njealjis náitaledje Vassdalenii, okta fárrii Nord Kvitforsii, ja guovttes ásaiduvvuiba Duorgái. Maŋŋel go Anders jámii 1847:s, orui Karen vel dálus dássážii go son jámii 1881:s.
Anders ja Karen oruiga goađis ja sudnos lei goahtenávet.
Gammel-Elen
Karena ja Andersa nieida Elen Susanna Andersdatter (1828-1914), gean maid gohčodedje "Gammel-Elen" ("Boares-Elen"), náitalii Henrik Henriksen Panisiin (1832-1902) Dálmmas eret, ja soai ásaiduvvuiga Moskái. Henrik lei hui čeahpes murrejeaddji. Soai huksiiga viesu 1855:s, mii maŋŋil geavahuvvui áitin. Visti lea ain ceaggáme. Elenis ja Henrikas lei maid goahtenávet ja geallir.
Dimbbarviessu Moskkis
1878: huksejuvvui dimbbarviessu Moskkis. Lassin dasa ahte bearaš orui doppe, geavahuvvui viessu gaskkohagaid skuvlan ja lestadiánalaš čoakkalmasviessun. Viessu huksejuvvui 1932:s, ja divvojuvvui 1960:s.
Dakka maŋŋel nuppi máilmmisoađi ceggejuvvui dálá návet. Gaikkoduvvon duiskabráhkat ledje deháleamos ávdnasat.
Moski
1890:s huksiiga Anders Henriksen (1854-1936) eamidiin dimbbarviesu, ja vel náveha ja láđu. Dát visttit sirdojuvvoje maŋŋil Nergårdii.
Eanaoamastanduođaštusa mielde beaiváduvvon čakčamánu 15. b. 1916:s sirdojuvvo Moski, man Ole Andersen (1857-1918) eaiggádii, eret Livangas, su guovtti vilbeallái Anders Henriksenii (1854-1936) ja Olaus Henriksenii (1865-1956). Seamma jagi sirrejuvvo Nergård eret Moskkis. Olaus báhcá Moskái, ja Anders váldá badjelasas Nergårda.
Moski su. 1945