Bieragieddi sullii 1955.

Go Jeremias ja Susanna Knutsen ásaiduvvuiba Bieragieddái birrasii jagi 1900:s, de ceggiiga dohko dálu mii ain ceaggá.

Jeremias Knutsen (1881-1949), Mathisheimen, Skjomen, orrunsadji: BieragieddiPárra orui dálus njeljiin mánáin Johan, Andrea, Jenny ja Peder. Sii ledje maid huksen náveha, olgohivssega ja muorraviesu. Muorraviessu lea divoduvvon. Eanandoallu ja bivdu lei sin váldobirgenláhki.

Maŋŋel go Susanna jámii, de válddii su bárdni Peder Heggeli (1912-1990) oktan eamidiin Gunvor Sjøseth (1920-2000) badjelasas oapmedálu. Sudnos ledje golbma máná: Sonja, Aud ja Per Gunnar.

Heikaluodda

Heikaluodda lei dehálaš oassi báikkálaš luoddafierpmádagas 1800-logus, ja das ledje olu suorggit. Moadde mehtera otná dálu lulábealde oidno dat bures. Heikaluodda álgá Leaŋgáviikkas (Lenvik). Dan sáhttá čuovvut viidáset nuorttas Øsii. Doppe joatká Petter Hansa-/Vassbotnveien Roabavuona guvlui, Vassbotn bokte Skoddebergvann buohta.

Nergård

Mátkkis Bieragiettis Attergård-luoddaerrui mannat mii Nergård meaddel, mii ovdal lei oassi Moskkis, man vieljašguovttos Olaus (1868-1956) ja Anders Henriksen (1854-1936) eaiggádušaiga. Nergård sirrejuvvui 1916:s, ja Anders válddii badjelasas.

    Bieragieddi sullii 1960.