Ole Larsen ja Susanna Olsdatter Matti ja sudno gávcci máná orro dáppe gaskkal 1804 ja 1826. Njirrama dihte fárrejedje Nordmarkai Evenesmarkas.

Ovllá ja Biret

Ole Jakokbsen Nibla lei guođoheaddji Girjásčearus Jielleváris eret. Son náitalii leaskkain Biret Márjá Knutsdatter Storain ja soai ásaiduvvuiba deike 1847:s. Soai oaččuiga bártnis Lásse (1844-1928). Lásse vuos náitalii Elen Pedersdatteriin ja maŋŋil Elen Olofsdatter Pingiin. Dušše guovttis sodno mánáin, Anders ja Anna, eliiga rávisolmmožin. Su váhnemat ja oabbá maid orro bearrašiin Lállegoađis.

Sárdneolbmát

Sihke Ole Jakokbsen ja su bárdni Lásse leigga sárdneolbmát. Lásse goahti lei stuoris. Das ledje guokte lanja, ja geavahuvvui skuvlavistin ja lestadiánalaš čoakkalmasviessun. Čoakkálmasain lávii goahti spagga dievva. Dávjá bohte maid olbmot mearradáluin oasálastit.

Goahti ceaggái 1936 rádjai, dassážii go gáhčai čoahkkái. Doppe eai oidno makkár ge bázahusat goađi maŋis.

Lásse lei sárdneolmmái ja su ja Elen luhtte lea máŋgii dollon čoakkálmas. Olu ipmilsátni lea gullon dan viesus, ja otná beaivve ain dovdo dego bassi vuođđu, go čuožžu dan eatnama alde.
John Mikal Løvli (1898 – 1996)