Baskkes ja guhkes ávži Solheim dálu lahka gohčoduvvo Stohpogorsan. Daddjui ahte dáppe orui uldabearaš.

Solheim dálu historjá

Anders Mikal Larsen ja oabbá Anna Larsen «Lall Anna» (1898-1968) huksiiga hirsaviesu, olgovistti ja gáivo Solheimii 1900-logu álggugeahčen. Anders náitalii Karen Johnsdatteriin, guhte bođii gránnjá dállodoalus Čorus. Soai eaba ožžon mánáid. 

Karena siessal Lilly Elvebakk ja su isit Anders Reinslett fárriiga deike birrasii 1950. Sutnos ledje guokte máná, Inger Jusie ja Edmund Sandrup. Lilly ja Anders huksiiga smávva dáloža mas lei muorravisti. Soai válddiiga badjelasas Anders Larsena návetdoalu. Soai oruiga dás gitta 1967 rádjai.