Dieđut metállaohcama birra sámi kulturmuittuid ja lokalitehtaid oktavuođasEanas sámi kulturmuittut leat dakkár báikkiin mat leat unnán duohtaduvvon maŋitáiggis, ja nu leat stuora duohtadanváras. Ii leat álo nu álki oaidnit lea go kulturmuitu sámi vai ii. Ovdamearkka dihte sáhttá dállošillju 1900-logus leat ráfáidahtton sámi kulturmuitu. Danne lea dehálaš dovdat guovllu historjjá ja kulturmuitostáhtusa ovdal go ohcagoahtá metállaid. Olu sámi kulturmuittut eai leat registrerejuvvon nationála registariidda ja olámuttos www.kulturminnesok.no. neahttasiiddus. Danne sáhttá leat jierpmálaš ovddalgihtii váldit oktavuođa Sámedikkiin iskan dihte gávdnojit go dihto guovllus sámi kulturmuittut.