Dábálaš bajásdoallan lea dáláš visteosiid ávviris atnin ja divvun. Dat sáhttet ovdameakka dihtii leat uvssat, glásat, listtut, feaskárat, bajildusat ja bajildikšun, árranat, suovvabohcit, ja detáljat nugo galbbat ja dekorat jna. Robi divvun dálvvi maŋŋá ja muhtun cuovkanan rohpegeađggi molsun sullasaččain, lea bajásdoallan. Dasa ii gáibiduvvo lohpi. Jos áiggut ovdamearkka dihtii molsut rohpebealkkaid ja rohpebáhpáriid de fertet ohcat lobi. Jos eahpidat, de váldde oktavuođa Sámedikkiin. 

Ráfáidahttojuvvon visttiid dábálaš bajásdoallan galgá dahkkojuvvot álgo dahje gustovaš teknihka mielde, ja ferte geavahit álgoávdnasiid ja bidjat daid nugo ledje biddjojuvvon. Bajásdoallan ii galgga fuonidit vistti kulturmuitoárvvu. 

Sámediggi lea lohpeváldi. Jos galggaš sáhttit addit lobi ráfáiduhttimis, de fertejit guokte eavttu álohii lea ollašuhttojuvvon: 

• Doaibmabidju masa ohccojuvvo lohpi ii galgga bilidit kulturmuittu
• Dat ferte leat erenoamáš dáhpáhus

Loga eanet dán birra kulturmuitolága paragráfa 8:s