Válljejuvvon arkeologalaš kulturmuittut (BARK)Riikaantivára válljejuvvon arkeologalaš kulturmuittuid (BARK) suodjalanprogámma galgá sihkkarastit ahte leat ovddastuslaččat válljejuvvon arkeologalaš kulturbirrasat ja dat láhččojuvvon publikummii. Sámedikkis leat olu jagiid badjel leamaš prošeavttat dán prográmmas. Mihttun lea čalmmustahttit ja dikšut sámi kulturmuittuid. Sámedikki bargu lea dehálaš veahkkin doalaheamen árvvolaš sámi kulturmuittuid buori dilis. Kulturmuittuid galbema ja gaskkusteami bokte loktana máhttu sámi historjjá, geavaheami ja leahkima birra. Dat ahte dovdat iežas historjjá lea vuođđogáibádus sámi identitehta bisuheamis ja fievrrideamis. Bajimusas dán siiddus beasat lohkat muhtun daid kulturbirrasiid birra maid Sámediggi lea heivehan.