Kulturbálgá leat ráhkadan Davvi álbmogiid guovddáš ovttas Sámedikkiin ja earáiguin. Muitalusat jietnabovssain eanadagas gaskkustit dološ sámi muitalusaid. Galbbain leat muitalusat sámi geassesajdoalu, luonddudoalu ja sámi báikenamaid birra. Čáhput lea vuosttaš báiki Norggas gos dili olbmot ožžo oktasaš eaiggáduššanvuoigatvuođaid guvlui dohkkehuvvot. Duopmu mii cealkui 2008:s lea historjjálaš sámi vuoigatvuođaid ektui. 

Sámediggeráđđi Henrik Olsen rabai kulturbálgá Čáhpuhis 2019:s. Rahpansáhkavuorustis dajai son ahte prošeakta ovdánahttá sámi giela ja kultuvrra buori vuogi mielde. Son dajai dasto ahte bargu lea erenoamáš deaŧalaš dan oktavuođas go jahki 2019 lei ON riikkaidgaskasaš álgoálbmotjahki. 

Mánná mii láhppui

Okta jietnabovssain muitala máná birra Čorogiettis mii láhppui - ja movt máŋga jagi maŋŋá bođii nisu goahtái ja dajai "jos don dál háliidat oaidnit mánát fas, de fertet vuolgit mu fárrui". Muitalusa loahpa sáhtát gullat go finat galledeamen Čáhpuha.