Vuolggasadjin bargui lea go eamihávdefealtta lei billašuvvan Murggiin. Barggut mat leat dahkkojuvvon leat geahčadeapmi, registreren, galben, vuodjenluottaid njulgen ja parkerensaji láhčin. Váldogalba muitala árbevieruid birra mat čatnasit várrái bassi várrin ja bálvvosbáikin. 

Dikšuma ulbmilin lea lobihis vuodjima eastadeapmi geđggiid alde, ja geađgebácciid huksema ja eará gollama eastadeapmi kulturbirrasis. Dat go leavvada máhtu mytologiija ja hávdedábiid birra mat čatnasit ovddeš áiggi árbevieruide ja geavahussii, de šaddá čeavláivuohta. Gullevašvuohta ja čeavláivuohta lea buorrin vuođđun kulturmuittuid suodjaleapmái.