Báiki lea dološ sámi ássanbáiki. Lahkosis gávdnojit hávderokkit. Sámediggi lea veahkehan ruhtademiin gaskkustanprošeavtta joatkima dihtii ja dan guovllu áigeguovdilastima dihtii. Dát mearkkaša boares sámi ássanbáikki ođasmahttima mas leat guohti, áiti ja biergoluovvi. Doaibmabiju lea čađahan Raavrhvijhke suohkan.

Sirjennjuana lea ožžon nama nuorra sámi nissona mielde, gii čuoččui gáttis ja oinnii go su isit gahčai jieŋa čađa Lyjmedes ja heavvanii. Okta báikkálaš historihkkariin Raavrhvijhkes (Nina Rørvik) muitala historjjá birra ná:

"Sirjennjuanas Lyjmedes ásai nuorra sámebárra goađistis . Dát lea áibbas davágeahčen meara ja lea rádji gaskal Raavrhvijhke ja Lyjmede. Njárga lea ožžon namas Sirjennjuana mielde. Nuorra bárra eaiggádii bohccuid, ja muitalus álgá muhtun giđđa beaivvi go Lyjmedes ain lei jiekŋa. Almmái lei leamaš váris geahččamin ealu, ja lei jođus ruoktot. Son háliidii rasttildit jieŋa vai mátki ii šattašii nu guhkki. Giđđa beaivváš ja rávndji nuoris lei mieskadan jieŋa ja dahkan dan raššin. Son jávkkihii jieŋa čađa ja dáistalii heakkastis jieŋaid gaskkas. Son huikkii Zarinai ahte galggai sáddet beatnaga jieŋa mielde ja buktit suohpana. Nisu lei nu suorganan ahte stiivvui dasa, iige sáhttán šat dahkat maidege. Almmái jávkkai jieŋa vuollái ja heavvanii. Maŋimuš mii oidnui lei albmá giehta čáhceoaivvis. Zarina bázii okto gáddái. Iige Zarina goassige guođđán báikki, muhto ásai doppe gitta dassážii go jámii. Sus lei maiddái goahti guovllus gos Byrkije guovddážis dál lea rusttet. Dat lei sus dálveorohahkan." 

Zarina lea hávdáduvvon Raavrhvijhke girkogárdái. Áidna čálalaš diehtu mii lea gávdnon su birra lea girkogirjji váidniidprotokollas 1838. Das čuožžu ná: "Zarina Zarisdatter død mellom 60 og 70 år gammel. Bopel Zarinenborg under Rørvigen."