Maŋŋá go sámit jorgalahttojuvvojedje risttalašvuhtii lei Skárfu guovddáš girkobáiki birrasii vuotnavuogádagas. Historjjá čađa leat danne leamaš máŋga girkogárddi Skárfus. 

Kirkegårdsvika girkogárdi lei geavahusas jagiin 1886-1932. Eanaš olbmot geat hávdáduvvojedje dohko ledje eret Návuonas, muhtumat maiddái eret Ráissas. Olmmošlohkamat čájehit ahte sámi álbmot lei čielgasit eanetlogus birrasii 1900:s.

Girkogárdi lea mihtilmas áiggistis. Dan birra lea njuolggoáidi ja doppe leat ollu báikkálaččat hábmejuvvon hávdemuittut muoras ja rávttuin. Hávdemuittuid hábmen čájeha ahte ollu dain lea ráhkadan seamma duojár. Sámi hávdemuittuid birra leat dávjá unnit dieđut go vásttolaš norgga muittuin. Muhtun hávdegeđggiin leat dušše jápmán olbmo bustávat. 

Girkogárdi lea automáhtalaččat ráfáidahttojuvvon sámi kulturmuitu. Vasttolaš bargu Árre girkogárddiin loahpahuvvuo 2020:s.