Álggaha fitnodatovddidanprográmma báikkálaš biebmoguossohansajiide

Álggaha fitnodatovddidanprográmma báikkálaš biebmoguossohansajiide

– Báikkálaš biebmoguossohanbáikkit leat erenoamáš dehálaččat báikegottiide. Dat leat lunddolaš čoahkkanansajit, bargoaddit ja biebmokultuvralágideaddjit, dadjá sámediggeráđđi Silje Karine Muotka (NSR). Dan dihte álggaha Sámediggi fitnodatovddidanprográmma báikkálaš biebmoguossohansajiide.

Deaddil ja stuora govva ihtáSámediggeráđđi Silje Karine Muotka (NSR) Kenneth Hætta Sámediggi háliida bidjat fokusa báikkálaš biebmoguossohanbáikkiide suohkaniin/gielddain Kárášjogas, Guovdageainnus, Porsáŋggus, Deanus ja Unjárggas.

Dál álggahuvvo bargu fitnodatovddidanprográmmain Faamoe Báikkálašbiebmu ja dieđiheapmi dasa.

– Mii oaidnit ahte máŋgga fitnodagas Sámis lea vejolašvuohta nannet mearkagálvvu ja ekonomiijaipmárdusa, seammás go nannejit iežaset fierpmádaga. Dát leage Faamoe konseapta, dadjá Muotka.

Prográmma ulbmil lea nannet báikkálaš biebmoguossohansajiid gánnáhahttivuođa ja movttiidahttit sin geavahit báikkálaš biepmuid vuođđoávnnasin. Koronapandemiija lea dagahan ahte lea stuorát beroštupmi bibmui mii ii leat fievrreduvvon obage dahje mii ii leat nu guhkás fievrreduvvon, biebmooadjebasvuhtii ja biebmobuvttadeapmái, ja dálkkádahkii ja birrasii.  

– Danne lea dát prošeakta hui áigeguovdil ja dán áiggi mielde, dadjá Muotka.

Son oaivvilda ahte báikkálaš bieDeaddil ja stuora govva ihtáPiadine bohccobiergguin, rukseslávkkiin, jokŋavuosttáin ja saláhtain. Marie Louise Somby, Árvu bmoguossohansajiin lea stuora mearkkašupmi báikegottiide ja leat dehálaččat ássanmillii.

– Dat leat servodaga čoahkkanansajit, dat addet nuoraide mávssolaš bargohárjáneami, dat buktet bargosajiid ja fállet mátkkošteddjiide oasi báikkálaš sámi kultuvrras, dadjá Muotka.

Lea Visjona AS mii jođiha Faamoe Báikkálašbiebmu Sámedikki ovddas. 

Sámediggeráđđi Silje Karine Muotka (NSR) addá jearahallama ja vástida gažaldagaide, mob. +47 984 87 576, silje.karine.muotka@samediggi.no