Ođđa 2021 dáiddáršiehtadus

Ođđa 2021 dáiddáršiehtadus

Sámediggi ja Sámi dáiddárráđđi (SDR) leat šiehttan ođđa 2021 dáiddáršiehtadusa.

Deaddil ja stuora govva ihtáGovas: SDR bealis Synnøve Persen, Niillas A. Somby, Ada Einmo Jürgensen ja Biret Risten Sara, ja Sámedikki bealis Magne Svineng.

Šiehtadallamiin čakčamánu 16. beaivvi sohpe bealit 8 877 000 ruvdnosaš rámma 2021:ii. Dat leat 307 000 ruvdnosaš lassáneapmi 2020 rájes.

Sámediggeráđđi Henrik Olsen lea ilus go bealit sohpe ođđa šiehtadusa ja ahte bargu nannet Sámi dáiddárráđi joatkašuvvá.

Lassáneapmi manná earret eará Dáiddafoandda nannemii, vai eanet dáiddárat sáhttet oažžut doarjaga dáiddaprošeavttaide. Dát lea erenoamáš dehálaš dál go koronapandemiija čuohcá maiddái sámi dáiddáriidda. 

Lassáneapmi manná maid dáiddárstipeanddaid justeremii, nu ahte dat dál čuvvot stáhta máksomeriid. Dasa lassin manná maid lassáneapmi nannet SDR organisašuvdnan, sihke hálddahuslaš kapasitehtii ja daid iešguđet servviide SDR vuolde.