Sámediggi addá doarjaga guovtti nuorra guolásteaddjái Davvi-Romssas

Sámediggi addá doarjaga guovtti nuorra guolásteaddjái Davvi-Romssas

Guokte nuorra guolásteaddji Davvi-Romssas oažžuba doarjaga Sámedikkis, dát doarjagat galget veahkkin addit buori álggu dán guovtti nuorra guolásteaddjái iežaska guolástandoaimmain. 

Sámediggeráđđi Silje Karine Muotka.Sámediggi lea juolludan 300 000,- Røyelkampen AS:i. Fitnodat lea Ráissas ja dan eaiggáduššá Oskar Marvik, gii dál áigu oastit iežas vuosttaš bivdofatnasa. Sámediggi lea maiddái juolludan 331 000,- Norberg AS:i. Simen Nymo eaiggáduššá fitnodaga, ja dat lea Vándarvágis, Gálssás.

Dát doarjagat mielddisbuktet ođđarekrutterema guolástusealáhussii Davvi-Romssas.

Sámediggi lea ilus go sáhttá veahkkin nannet regiovnna báikkálaš bivdofatnasiid ja sávvá ahte doarjagat leat veahkkin addime dán guovtti nuorra guolásteaddjái buori álggu iežaska guolástandoaimmain.

– Lea hui dehálaš juolludit doarjagiid sidjiide geat háliidit bargagoahtit guolástusealáhusas sámi guovlluin. Ođđarekrutteremis leat buorit váikkuhusat báikkálaš servvodagaide Davvi-Romssas, nu ahte lea buorre go guokte nuorra olbmo áiguba áŋgiruššat guolástusealáhusas, dadjá sámediggeráđđi Silje Karine Muotka (NSR).

Jus leat gažaldagat dahje áiggut jearahallat, váldde oktavuođa sámediggeráđiin Silje Karine Muotkain (NSR), mob. +47 984 87 576, silje.karine.muotka@samediggi.no