Sámi dáiddárat máilmmi stuorimus dáiddadáhpáhussii

Sámi dáiddárat máilmmi stuorimus dáiddadáhpáhussii

Veneziabiennála davviriikkaid oktasaš paviljonga 2022:s galgá šaddat sieiva sámi paviljongan - sámi dáiddáriiguin. Deaddil ja stuora govva ihtáSámi dáiddára Outi Pieski dáidda 2019 Veneziabiennálas. Åse M.P. Pulk Sametinget   

Sámedikki dievasčoahkkima oktavuođas almmuhuvvo davviriikkaid dáiddaoasálastin máilmmi stuorámus dáidda dáhpáhusas - Veneziabiennálas 2022:s.

Gaskavahku golggotmánu 14 b. almmuhuvvojit dáiddárat njuolggosáddagis Sámedikkis.

Geahča báddejuvvon sáddaga

Lea Office for Contemporary Art Norway (OCA), mii kuratere Veneziabiennála davviriikkaid oktasaš paviljonga 2022:s. OCA ohcala davviriikkalaš paviljonga molsašumiin sámi paviljongan deattuhit eamiálbmot sorjjasmeahttunvuođa ja nu oainnusin dahkat dáiddáriid oktavuođa iežaset eatnamiidda. Dát lea symbolalaš dahku mainna háliidit rievdadit sisabahkkejeaddjit jávisteami sámiid eatnamiin ja kultuvrras.

– Dán váttes ja dehálaš áiggis máilmmis lea deháleappo go goassege ovdal digaštallat eamiálbmogiid oktavuođaid birrasiid ja nubbi nuppiide, dadjá Katya García-Antón, Davviriikkalaš paviljonga váldohálddašeaddji OCA direktevra.

– Dát lea dan mađe mearkkašahtti ja fámolaš boddu sámi dáidagii ja dáiddamáilbmái, ahte Sámediggi áinnas háliidii lea guossoheaddjin dán almmuheapmái, dadjá Sámedikki presideanta Aili Keskitalo.

Deaddil ja stuora govva ihtáVeneziabiennála 2019. Maori kuráhtor Megan Tamati-Quennell, sámediggeráđđi Henrik Olsen, dalá Suoma sámediggepresideanta Tiina Sanila-Aikio, Kanada álgoálbmotkuráhtor Wanda Nanibush (son lea oassin VB22 prošeaktajoavkkus), Norgga sámediggepresideanta Aili Keskitalo, Ruoŧa sámediggepresideanta Per-Olof Nutti, OCA direktevra Katya García-Antón ja Sydney biennála jođiheaddji Jo-Anne Birnie Danzker. Åse M.P. Pulk, Sámediggi