Bušeahtta ja jahkedieđáhus

Sámedikki politihkalaš ja hálddahuslaš doaibma dáhpáhuvvá Sámedikki mearridan bušeahttarámmaid siskkobealde. Dás gávnnat Sámedikki 2024 bušeahta ja ovdalaš jagiid bušeahtaid, ja vel jahkedieđáhusaid.

Bušeahtta

Sámedikki dievasčoahkkin mearrida juohke čavčča bušeahta, Sámediggeráđi árvalusa mielde ja maid Sámedikki plána- ja finánsalávdegoddi gieđahallá. Dat rievdadusat maid Stuorradiggi iežas gieđahallamis mearrida bušeahttaevttohusas eai boađe Sámedikki bušehttii ovdalgo Sámedikki bušeahtta reviderejuvvo maŋit jagi.

Loga Sámedikki 2024 bušeahta (PDF, 3 MB) (mearriduvvon juovlamánu 6. b. 2023)

Loga Sámedikki 2023 reviderejuvvon bušeahta (PDF, 726 kB)  (mearriduvvon geassemánu 9. b. 2023)

Jahkedieđáhus

Sámedikki jahkedieđáhus sisttisdoallá Sámedikki politihkalaš ja hálddahuslaš doaimma. Jahkedieđáhus raportere váldomihtuid ja oassemihtuid čuovvoleami iešguđet fágasurggiin ja juolludusa geavaheami bušeahtas. 

Sámedikki jahkedieđáhus sisttisdoallá earret eará jagi doaimmaid ja bohtosiid, ja jahkerehketdoalu.  

Loga Sámedikki 2022 jahkedieđáhusa (PDF, 5 MB) (mearriduvvon njukčamánu 9. b. 2022)

Loga Riikkarevišuvnna dieđáhusa - Cealkámuš jahkerehketdoalu revišuvnna birra (PDF, 132 kB)