Mihttomearri gávpotšiehtadusain lea árjjalaš ja ulbmildiđolaš ovttasbargu regionála ja báikkálaš eiseválddiiguin nannen ja ovddidan dihtii sámi kultuvrra, giela ja servodateallima.
Ovttasbargošiehtadusat gávpotsuohkaniiguin lea mielde dagaheamen ahte hástalusat sámepolitihkalaš áššiin eai báze ovttaskasolbmo beroštumi duohkái, muhto ožžot ásahuslaš rámma. Dasa lassin váikkuhit šiehtadusat dasa ahte sápmelaččat guoskevaš gávpogiin ožžot buoret bálvalusfálaldaga. Šiehtadusain lea stuorra symbolalaš mearkkašupmi guoskevaš gávpogiid sápmelaččaide, go dat mearkkaša njuolgga ahte sin leahkin doppe lea dohkkehuvvon.
Sámedikkis lea dál ovttasbargošiehtadus Romssain (2013), Bådåddjoin (2015), Osloin (2016) ja Álttáin (2019).
Šiehtadus Osloin gohčoduvvo ovttasbargojulggaštussan.
Loga Sámedikki ja Troanddima suohkana gaskasaš ovttasbargošiehtadusa (PDF, 4 MB)
Loga Sámedikki ja Álttá suohkana gaskasaš ovttasbargošiehtadusa (PDF, 165 kB)
Loga Sámedikki ja Romssa suohkana gaskasaš ovttasbargošiehtadusa (PDF, 3 MB)
Loga Sámedikki ja Bådåddjo suohkana gaskasaš ovttasbargošiehtadusa (PDF, 66 kB)
Loga Sámedikki ja Oslo suohkana gaskasaš ovttasbargojulggaštusa (PDF, 2 MB)
Loga Sámedikki ja Mátta-Várjjat gieldda gaskasaš ovttasbargošiehtadusa (PDF, 221 kB)
Suohkanat ja fylkkasuohkanat maiguin Sámedikkis lea ovttasbargošiehtadus sáhttet ohcat doarjaga regionálaovddidanprošeavttaide. Loga eanet doarjagiid birra regionálaovddidanprošeavttaide