SáNuL ásahuvvui bissovaš orgánan jagi 2003 rájes. SáNuL:s leat vihtta fásta lahtu maid sámediggeráđđi lea nammadan. Lahtut leat gaskal 16 ja 28 jahkásaš miehtariikka nuorat.

Sámedikki dievasčoahkkin lea mearridan SáNuL:i bistevaš válddi ja organiserema. Lávdegotti ulbmil lea nannet sámi nuoraid mielmearridanvejolašvuođa ja váikkuhit ahte nuorat beassat váikkuhit Sámedikki politihka dan bokte ahte: 

• veahkehit Sámedikki láhčit dili nuorra sápmelaččaid servodat- ja politihkalaš áŋgiruššamii, rekrutteret eanet nuoraid Sámedikki jienastuslohkui, lasihit nuoraid oassálastima sámediggeválggain ja oažžut eanet nuoraid Sámediggái ja Sámedikki stivrraide ja lávdegottiide.
• veahkehit Sámedikki hábmet dikki politihka mii guoská nuoraide, nu ahte dat sáhttá hábmejuvvot nu govdadit go vejolaš, dan bokte ahte doaibmat oktavuođaásahussan gaskal Sámedikki ja sámi nuoraid, ja gulaskuddanásahussan (siskkáldas ja olgguldas) Sámediggái relevánta áššiin.
• Jus Sámediggi lágida nuoraidkonferánssaid, de sáhttá lávdegoddi leat mielde plánemis ja čađaheamis.
• Sámedikki nuoraidpolitihkalaš lávdegoddái sáhttet addojuvvot bargamušat áigeguovdilis politihkalaš áššiid oktavuođas.
• Lávdegoddi sáhttá ieš bargat áššiiguin maid gávnnaha relevántan.
• Lávdegottis lea vuoigatvuohta buktit cealkámušaid buot áigeguovdilis áššiin, lea friddjavuohta buktit cealkámuša mediaide ja sáhttá maiddái váldit ovdan áššiid maid gávnnaha relevántan eará ásahusaide.

Lávdegoddi galgá doaibmat gulahallanásahussan sámi nuoraid ja Sámedikki gaskkas, muhto galgá maiddái leat gulaskuddanásahus ja “bearráigeahččin” sámedikki ektui nuoraidáššiid oktavuođas. Dainna lágiin sáhttá SáNuL veahkehit Sámedikki hábmemis dikki nuoraidprofiilla ja nuoraidpolitihka.

Loga lávdegotti mandáhta (PDF, 63 kB)

Čále eboastta Sámedikki nuoraidpolitihkalaš lávdegoddái

Fina Sámedikki nuoraidpolitihkalaš lávdegotti (SáNuL) Facebook-siiddus

Fina Sámedikki nuoraidpolitihkalaš lávdegoddi (SáNuL) bloggas