Sámedikki dievasčoahkkin vállje váiddalávdegotti mas leat golbma lahtu ja guokte várrelahtu. Lahtuin galgá leat dárbbašlaš fágalaš gelbbolašvuohta, earret eará juridikšuvnna, sámi- giela, kultuvrra ja sámi ealáhusaid ja servodagaid birra.

Váiddameannudeapmi

Váiddalávdegoddi meannuda váiddaáššiid eaŋkilmearrádusaide doarjjaáššiin hálddahuslága váiddameannudannjuolggadusaid vuođul.

Gieđahallamis meannuda váiddalávdegoddi lea go mearrádus dahkkojuvvon rivttes ja dohkálaš vuođuin, ja leat go njuolggadusat geavahuvvon riekta. Váiddalávdegoddi sáhttá iskat ášši hálddašanlága rámmaid siskkobealde ja dahkat ođđa mearrádusa jus eavttut dasa leat devdojuvvon.

Ovdal go váidda sáddejuvvo váiddalávdegoddái, de árvvoštallá dat orgána mii lea dahkan mearrádusa, leago vuođđu rievdadit dahje nuppástuhttit mearrádusa. Jus mearrádus doalahuvvo, de sáddejuvvo ášši loahpalaš gieđahallamii váiddanammagoddái.

Njuolggadusat

Sámedikki dievasčoahkkin mearrida váiddanammagotti doaimma njuolggadusaid, dás maiddái ovddasvástádus- ja bargosuorggi.

Váiddalávdegotti mearrádus lea loahpalaš Sámedikki hálddahusvuogádaga siskkobealde.

Sámedikki váiddalávdegotti boahttevaš čoahkkimat