Váiddalávdegoddi doarjjaáššiid várás

Váiddalávdegoddi doarjjaáššiid várás

Sámedikki váiddalávdegoddi galgá čađahit váiddaáššemeannudeami guoddaluvvon eaŋkilmearrádusaid hálddahuslága njuolggadusaid ollašuhttima dihte.

Čuovvovaččat leat válljejuvvon áigodahkii 2022-2025:

Lahtut:

Kirsti Guvsám (jođiheaddji)
Lars Filip Paulsen
Hagbart Grønmo

Várrelahtut:

Heaika Hætta
Ingvild Heimstad Iversen

Váiddalávdegottis leat 3 lahtu ja 2 várrelahtu.

Sámedikki váiddalávdegotti meannudeapmi ráddjejuvvo dárkkistit áššemeannudeami ja riektegeavahusa. Váiddalávdegoddi ii sáhte ieš loktet áššiid meannudeapmái. Áššit mat eai leat guoddaluvvon áigemeari siskkobealde hilgojuvvojit. Sámedikki váiddalávdegoddi galgá čađahit váiddaáššemeannudeami guoddaluvvon eaŋkilmearrádusaid hálddahuslága njuolggadusaid ollašuhttima dihte.

Váiddalávdegoddi galgá bearráigeahččat sin riektesihkarvuođa geat ohcet doarjaga Sámedikki doarjjaortnegiid njuolggadusaid ja bušeahta rámmaid siskkobealde. Váiddalávdegotti mearrádusaid ii sáhte šat guoddalit.

Váidaleaddjái addo vejolašvuohta čilget áššis váiddalávdegoddái. Váiddalávdegotti jođiheaddji mearrida beassá go váidaleaddji buktit oainnus váiddalávdegoddái.