Sámediggeráđđi: Ráđđelahttu Jon-Christer Mudenia, ráđđelahttu Ann-Elise Finbog, presideanta Silje Karine Muotka, ráđđelahttu Maren Benedicte Nystad Storslett ja ráđđelahttu Paul Bendikk Jåma Árvu/Sámediggi

Sámediggeráđđi ovddida mearrádusárvalusaid dievasčoahkkimii áššiin mat gusket Sámedikki bušeahta juogadeapmái, árvala doaibmabijuid čuovvovaš jagi stáhtabušehttii, Sámedikki jahkedieđáhusa, Sámedikki doarjjaortnegiid váldonjuolggadusaid ja eará áššiid maid sámediggeráđi iešheanalis árvvoštallama mielde berrešii ovddidit. Dasa lassin ovddida sámediggeráđđi dieđáhusaid sierra politihkkasurggiin dárbbu mielde, ja máŋgga suorggis lea maiddái vejolašvuohta ášši loahpalaččat mearridit.

Dát sámediggeráđđi lea eanetlohkoráđđi maid NSR, Sámeálbmot Bellodat ja Ávjovári Johttisápmelaččaid listu leat ásahan.

Silje Karine Muotka (NSR) lea válljejuvvon sámediggepresideantan áigodahkii 2025-2029. Sámediggeráđđái lea presideanta nammadan dáid: Ráđđelahttu Maren Benedicte Nystad Storslett (NSR), ráđđelahttu Paul Bendikk Jåma (NSR), ráđđelahttu Jon-Christer Mudenia (NSR) ja ráđđelahttu Ann-Elise Finbog (SáB).

Presideanta lea maid nammadan golbma politihkalaš ráđđeaddi; Aina Madelén Nordsletta Aslaksen (NSR), Nils Ánte Oskal Eira (NSR) ja Håkon Mudenia (NSR). Sii galget veahkehit ollašuhttit Sámedikki politihkalaš ulbmiliid, ja doarjut presideantta ja sámediggeráđi barggu guovddáš áššesurggiin. 

Loga álggahanjulggaštusa: Mánočalbmi-erklæringen (PDF, 4 MB)

Viečča govaid sámediggeráđis