Nuoraidpolitihkalaš ráđđi galgá bargat nuoraidpolitihkalaš áššiiguin ja doaibmat sámi nuoraid oktasaš jietnan, sihke riikkaidgaskasaččat ja Sámis. Ulbmilin lea lasihit sáminuoraid oasálastima ja váikkuhanválddi.

Ráđis galget leat áirasat Suoma beal Sámedikki nuoraidpolitihkalaš ráđis, Norgga beal Sámedikki nuoraidpolitihkalaš ráđis ja Ruoŧa beal Sámedikki nuoraidráđis. Ruošša beal sámi nuorat galget fátmmastuvvot. Guokte áirasa juohke riikkas, ja 1-2 áici Sámi Nurash searvvis.

SPR nuoraidkonfereansa lágiduvvo juohke nuppi jagi. Konfereansa lágida dat riika geas lea SPR nuoraidráđi sátnejođihanbadji. SPR nuoraidkonfereansa lea oktasaš Sámi nuoraidkonfereansa man ulbmilin lea nannet sámenuoraid servodatlaš ja politihkálaš čatnašumi, oasálastima ja váikkuhanválddi Sámi servodagas ja dasa lassin lasihit oktavuođaid, ovttasdoaimma ja ovttasbarggu gaskal sámenuoraid rastá rájáid. Vuosttaš konferánsa lágiduvvui jagis 2004. Viđat konferánsa lágiduvvui Troandimis 8.2.2017.