Doaibmabijut leat dahkkojuvvon vai oažžut cealkámušaid sámi organisašuvnnain, institušuvnnain ja priváhta olbmuin. Lávdegoddi lea ožžon máŋga cealkámuša. Bargolávdegoddi lea gárven raportta oktan ávžžuhusaiguin geassemánus 2021.

Loga raportta: Rádjahehttehusat Sámis - Sámi parlamentáralaš ráđi lávdegoddi mii galgá čalmmustahttit rádjahehttehusaid sámi guovlluin raporta (sámi rádjahehttehuslávdegoddi) (PDF, 898 kB)

Lávdegoddi lea buktán ávžžuhusa ovdal go raporta gárvanii. Ávžžuhus čilgejuvvo «Deponering av merverdiavgift for duodji ved innførsel til Norge». Dát lea oahpes rádjecaggi sámi servodagas, go lasseárvodivada deponerennjuolggadusat lea oassi sivas go duojárat eai rasttit rájiid dujiiguin. Dát identifiserejuvvon rádjecaggi adnojuvvo “Norgga” váttisvuohtan, mii dárbbaša čovdosa Norgga bealde. Danin ávžžuha lávdegoddi ahte Norgga beale Sámediggi lokte jearaldaga njuolga Norgga Ruhtadandepartemeanttain ja Vearroetáhtain.

Bargojoavkkus leat lahtut buot golmma sámedikkis.

Lávdegotti lahtut leat:

Runar Myrnes Balto, jođiheaddji (norgga beal)
Anders Kråik, lahttu (ruoŧa beal)
Ulla Magga, lahttu (suoma beal)

Lávegoddi lea digitálalaččat čoahkkinastán čieža geardde jagi 2020 áigge. Dasa lassin leat leamaš guokte čoahkkima davviriikkalaš ministtarráđi rádjecaggelávdegotti lahtuiguin. Nordkalottens Grensetjeneste koordináhtor maiddái searvvai čoahkkimiidda.