Dáid lea SPR nammadan:

Anni Koivisto Suoma Sámedikki ovddas (jođiheaddji)
Lars Anders Baer Ruoŧa Sámedikki ovddas
Eirik Larsen Norgga Sámedikki ovddas

Sámi parlamentáralaš ráđđi searvá Barents eamiálbmogiid kongressii ja Barents parlamentarihkkáriid konferánsii mat lágiduvvojit juohke nuppi jagi.

Sámi parlamentáralaš ráđđi lea mearridan iežas politihkalaš strategiija EU hárrái, mas earret eará lea mearridan, ahte SPR áigu nannet iežas barggu EU-gažaldagaiguin dan bokte ahte nannet iežas resurssaid EU bargui, sihke hálddahus ja politihkalaš dásis ja oassálastit Brusselis iežas kantuvrra ásahemiin, dahje eará oassálastiiguin ovttas, mat leat EU miellahtut ja dainna lágiin lea oktavuohta EU:in.