Guoddalusjuogos doarjjaássjijdaSámedikke ållestjåhkanibme la 2011:n ásadam Sámedikke guoddalusjuohkusa doarjjaássjijda. Tjuovvovattja li gávddaj 2022-2025 válljiduvvam: Sebrulattja: Kirsti Guvsám (jådediddje) Lars Filip Paulsen Hagbart Grønmo Várresebrulattja: Heaika Hætta Ingvild Heimstad Iversen Guoddalusjuohkusin li 3 sebrulattja ja 2 várresebrulattja. Sámedikke guoddalusjuohkusa giehtadallam ráddjiduvvá dárkestittjat ássjegiehtadallamav ja riektáanov. Guoddalusjuogos ij máhte iesj låpptit ássjijt giehtadallamij. Ássje ma ælla guoddaluvvam ájggemiere sissŋelin hilgoduvvi. Sámedikke guoddalusjuogos galggá guoddalusássjegiehtadallamav tjadádit guoddaluvvam avtagerdakmærrádusáj háldaduslága njuolgadusáj ålliduvvat diehti. Guoddalusjuogos galggá sijá riektásihkarvuodav bærrájgæhttjat gudi dårjav åhtsi Sámedikke doarjjaårnigij njuolgadusáj ja budsjehta rámmaj sissŋelin. Guoddalusjuohkusa mærrádusájt ij máhte desti guoddalit. Gujddijiddjáj máhttelisvuohta vatteduvvá tjielggit ássjes guoddalusjuohkusij. Guoddalusjuohkusa jådediddje mierret bæssá gus gujddijiddje buktet vuojnos guoddalusjuohkusij. ArtikkelPublisertDatoFront 17.02.2020 12.19 SistEndret 10.12.2021 14.07