Geahča bajilgova sámediggepolitihkkáriid virggálaš ja ekonomalaš čanastagain (PDF, 525 kB)

Sámedikki politihkkáriid etihkalaš njuolggadusain, 6. čuoggás, celko ahte sámediggeáirasat galget fuolahit rabasvuođa iežaset rollaid, luohttámušdoaimmaid ja ekonomalaš beroštumiid hárrái. Áirasat bivdojuvvojit dievasčoahkkinjođihangoddái addit bajilgova iežaset rollain ja luohttámušdoaimmain. Muđui čujuhuvvo habilitehtanjuolggadusaide mat Sámedikki čoahkkinortnega 33. paragráfas leat mearriduvvon, vrd. hálddašanlága 6. paragráfain.

Ámmáhiin ja ekonomalaš beroštumiin lea sáhka luohttevašvuođadoaimmain, ámmáhiin, bargguin, mearreáigásašvirggiin jnv., sihke bálkáhuvvon ja bálkákeahtes. Dasa gullet earret eará doaimmat stivrejeaddji orgánain priváhta dahje almmolaš fitnodagain, beroštusorganisašuvnnain ja stáhtalaš dahje suohkanlaš orgánain. Galgá almmuhuvvot leat go virggit bálkkáhuvvon vai eai. Politihkalaš bellodagaid luohttámušdoaimmat mat eai leat bálkáhuvvon, eai registrerejuvvo.

Viidáseappot galget áirasat dieđihit makkár virgi/bargu lea ja makkár bargoaddi várás. Vejolaš iešheanalaš bargu galgá maiddái almmuhuvvot, ovdamearkka dihte doaimmat eanadoalli, boazodoalli, advokáhtta, journalista dahje sorjjasmeahttun konsuleanta.