Doarjja máksojuvvo maŋŋágo Sámedikki válgalávdegoddi lea dohkkehan válgalisttuid, gč. Láhkaásahus sámediggeválgga birra § 32, maŋimusat geassemánu 1. beaivvi. Doarjja juhkkojuvvo ovttadássásaččat dohkkehuvvon listtuid gaskkas. 

Historihkka

Kartet viser Sametingets valgkretser: Østre valgkrets, Ávjovári valgkrets, Nordre valgkrets, Gáisi valgkrets, Vesthavet valgkrets, Sørsamisk valgkrets og Sør-Norge valgkrets.

Sámedikki 2021 bušeahtas lei várrejuvvon 2,7 miljovnna kruvnnu doarjjan válgalisttuide. Dalle dohkkehuvvojedje 58 listta ja listtut juohkásedje čuovvovaččat válgabiiriide: 

Nuortaguovllu válgabiire: 9 listta 
Ávjovári válgabiire: 10 listta 
Davveguovllu válgabiire: 8 listta 
Gáisi válgabiire: 9 listta 
Viesttarmeara válgabiire: 8 listta 
Lullisámi válgabiire: 6 listta 
Lulli-Norgga válgabiire: 8 listta 

Juohke lista oaččui dalle máksojuvvot 46 551 ruvnnu.