Dávjá jerron gažaldagat sámediggeválggaid birra It go beasa jienastit sámediggeválggas? Itgo leat ožžon válgakoartta, vai oaččut go válgalanjas dieđu ahte it leat jienastuslogus? Dalle sáhttá dus liikká leat jienastanvuoigatvuohta. Jos leat ožžon reivve/mearrádusa Sámedikkis ahte don leat čálihuvvan Sámedikki jienastuslohkui, muhto liikká leat váttisvuođat, de váldde oktavuođa Sámedikkiin. Váldde oktavuođa nu jođánit go vejolaš, de mii veahkehit du. Goas leat 2025 sámediggeválggat? Sámediggeválggat dollojuvvojit seamma beaivvi go stuoradiggeválggat. 2025:s lea válgabeaivi mánnodaga čakčamánu 8. beaivvi. Du suohkana suohkanstivra sáhttá mearridit lágidit válggaid maiddái sotnabeaivvi čakčamánu 7. beaivvi 2025. Dán fertet gulaskuddat iežat suohkanis. Jus leat čálihuvvon jienastuslohkui suohkanis gos leat unnit go 30 olbmo čálihuvvon Sámedikki jienastuslohkui de sáhtát dušše ovdagihtii jienastit.Oversikt over kommuner med under 30 i manntallet (PDF, 73 kB) Gos gávnnan sámediggeválggaid bellodatprográmmaid? Sámediggeválggaid bellodatprográmmaid gávnnat daid iešguđet bellodagaid neahttasiidduin dahje jus válddát njuolga oktavuođa bellodagaid/listtuid njunnošiiguin. Movt mun sáhtán iskat lean go Sámedikki válgajienastuslogus? Sáhtát iskat leatgo válgajienastuslogus jus geahčat jienastuslogu maid du suohkan/gielda lea bidjan geahčadeapmái. Jus it gávnna iežat doppe, de sáhtát váldit oktavuođa Sámedikkiin e-boastta dahje telefovnna bokte iskan dihte dán. Geat servet válggaide dain iešguđet válgabiiriin? Dás gávnnat dohkkehuvvon válgalisttat 2025 sámediggeválgii. Leatgo sierra jienastangoarttat sámediggeválggaide? Sámediggi lea sáddet jienastangoarttaid jienasteddjiide geat leat Sámedikki válgajienastuslogus. Dát leat sáddejuvvon reiveboastta bokte. Manne mun in leat ožžon jienastangoartta? Jus it leat ožžon jienastangoartta, de it dárbbat goitge ballat. Don beasat jienastit dán haga, válgabargit du válgabáikkis ohcet du jienastuslogus ja čálihit dutnje jienastangoartta. Gos galggan jienastit sámediggeválggain? Don sáhtát ovdalgihtii jienastit sámediggeválggaide buot válgabáikkiin Norggas. Válgabeaivvi sáhtát jienastit dušše iežat suohkanis/gielddas, jus doppe leat eanet go 30 olbmo válgajienastuslogus. Dán sáhtát iskat iežat jienastangoarttas dahje jus válddát oktavuođa iežat suohkaniin/gielddain. Sáhttá go sámediggeválggaid válgalisttain kumuleret dahje sihkkut? Sámediggeválggain ii leat vejolaš sihkkut namat listtain, muhto don sáhtát ođđasit vuoruhit daid bajemus evttohasaid válgalisttain. Almmuhuvvon 19.08.2021 14.19 Maŋemusat rievdaduvvon 02.09.2025 12.12