Sámedikki válgaortnet lea vuođđuduvvon gorrelohkoválgga prinsihpaide máŋggaáirrasbiirriin. Gorrelohkoválga mearkkaša ahte áirasat juhkkojuvvojit gorálaččat jienastanlogu mielde maid guhtege válgalistu oažžu. Sihke politihkalaš bellodagat ja eará joavkkut sáhttet bidjat listta válggain.

Sámediggeválggain lea riika juhkkojuvvon 7 válgabiirii:

1. Nuortaguovllu válgabiire/Østre valgkrets: Mátta-Várjjat, Unjárgga, Čáhcesullo, Várggáid, Báhcavuona, Deanu, Bearalvági, Davvisiidda ja Gáŋgaviika gielddat Romssa ja Finnmárkku fylkkas.
2. Ávjovári válgabiire/Ávjovári valgkrets: Kárášjoga ja Porsáŋggu gielddat ja Guovdageainnu suohkan Romssa ja Finnmárkku fylkkas.
3. Davveguovllu válgabiire/Nordre valgkrets: Davvisiidda ja Muosát gielddat, Hammerfesta, Álttá, Ákŋoluovtta, Láhpi, Skiervvá, Návuona ja Ráissa suohkanat Romssa ja Finnmárkku fylkkas.
4. Gáiseguovllu válgabiire/Gáisi valgkrets: Gáivuona, Omasvuona, Ivgu, Gálssa, Romssa, Báhccavuona, Málatvuomi, Beardu, Sáččá, Ránáidsullo ja Ráisavuona suohkanat Romssa ja Finnmárkku fylkkas.
5. Viestarmera válggabijrra/Viesttarmeara válgabiire/Vesthavet valgkrets: Divrráid, Siellaga, Loabága, Rivttaga, Ivvárstáđiid, Hársttáid, Bjarkøy, Giehtavuona suohkanat Romssas ja Finnmárkku fylkkas ja suohkanat Sálatvuomi, Bájddára ja Meløy rájes ja davásguvlui Nordlándda fylkkas.
6. Åarjel-Saepmie veeljemegievlie/Sørsamisk valgkrets: Nordlándda fylkka gielddat Ruovada ja Raavta rájes luksa, Trøndelag fylka ja Surnadal, suohkanat Surnadal, Rindal ja Sunndal Møre- ja Romsdal fylkkas ja suohkanat Engerdal, Rendalen, Os, Tolga, Tynset ja Folldal gielddat Oppland ja Hedmark fylkkas.
7. Lulli-Norgga válgabiire/Sør-Norge valgkrets: Suohkanat Møre ja Romsdal ja Hedmark fylkkaid mat eai gula válgabiire 6:žii, ja fylkkat Vestland, Rogaland, Agder, Vestfold og Telemark, Viken, Oppland og Hedmark ja Oslo.

Geahča bajilgeahčastaga suohkaniin/gielddain ja válgabiiriin (PDF, 370 kB)

Sámediggái válljejuvvojit 39 áirasa. Man galle áirasa válljejuvvojit juohke válgabiires vuolgá das man ollu leat dieđihuvvon Sámedikki jienastuslohkui geassemánu 30. beaivvi dan jagi goas maŋimuš gielddastivra- ja fylkkadiggeválggat leat dollojuvvon.

Loga eanet Sámedikki válgajienastuslogu birra 1989-2021