Julggaštus bidjá dehálaš láidestusaid viidáset bargui go olmmoš áigu áddet mat vuoigatvuođaid álgoálbmogiin leat, ja dat nanne ahte álgoálbmogat eai galgga gillát makkárge lágan vealaheami iežaset vuoigatvuođaid doaimmaheamis. Das leat sihke dakkár mearrádusat mat gusket vuođđodárbbuide nu mo biepmu, dearvvašvuođa ja oahpahusa dárbui ja das leat dan lassin mearrádusat mat gusket árbevirolaš resurssaid ja eatnamiid geavaheapmái. Dasa lassin ahte álgoálbmogiin lea vuoigatvuohta iešmearrideapmái. ON julggaštus álgoálbmotvuoigatvuođaid birra lea huksejuvvon vuoiggalašvuođa, demokratiija, olmmošvuoigatvuođaid doahttaleami, ovttaláganvuođa, ii-vealaheami, buori stivrenvuogi ja buori doaivvu prinsihpaid nala. Dat mielddisbuktá eanet soabalaš gaskavuođaid ja buoret ovttasbarggu stáhta ja álgoálbmoga gaskka.

Loga Ovttastuvvan našuvnnaid julggaštusa álgoálbmotvuoigatvuođaid birra

United Nations Declaration on the Rights of Indigenous Peoples - originála veršuvdna