Sámedikki dieđáhus solidaritehta ja riikkaidgaskasaš barggu birraSámedikki dievasčoahkkin mearridii 2015:s Sámedikki dieđáhusa solidaritehta ja riikkaidgaskasaš barggu birra. Dieđáhusas boahtá ovdan movt ja manne Sámediggi áŋgiruššá riikkaidgaskasaš bargui mii váikkuha eanet soabalaš gaskavuođaide ja buoret ovttasbargui stáhta ja álgoálbmogiid gaskkas. Bajit mihttomearri lea ahte vuoigatvuođat ON julggaštusas álgoálbmotvuoigatvuođaid birra leat implementerejuvvon láhkaortnegiidda ja geavatlaš politihkkii mii váikkuha min ja eará álgoálbmogiid árgabeaivái. Dieđáhusas boahtá ovdan movt bargu vuoruhuvvon áŋgiruššansurggiin dahket ahte mihtut ja strategiijat olahuvvojit. Loga Sámedikki diedáhusa solidaritehta ja riikkaidgaskasaš barggu birra (PDF, 5 MB)