Saemiedigkieraerie saemien healsoedåehkien guhkiebasse evtiedimmiem dåårje

Saemiedigkieraerie saemien healsoedåehkien guhkiebasse evtiedimmiem dåårje

Åarjelsaemien healsoeviermie jïh saemien healsoedåehkie 335 000.- kråvnah dååste juktie sov barkoem jåerhkedh 2022.

Åarjelsaemien healsoeviermien åejvieulmie lea seammavyörtegs healsoedïenesji åvteste barkedh saemien årroejidie daajroebievnemen, prosjektebarkoen, dotkemen jïh klinihkeles barkoen tjïrrh. Runar Myrnes Balto (NSR) 

—Mijjieh saemiedigkieraeresne libie geerjene gosse maehtebe vierhtieh prosjektese dåarjodh ikth vielie. Jolle jïh vihkeles maahtoe daan teeman bïjre, jïh dan åvteste vihkeles Saemiedigkie lea meatan jïh daam barkoem dåarjohte, saemiedigkieraerie Runar Myrnes Balto (NSR) jeahta.

Saemien healsoedåehkesne healsoebarkijh mah gamte dååjrehtimmiem healsoesuerkeste utnieh, jïh maahtoem saemien healsoegyhtjelassi bïjre utnieh. Dah gaskem jeatjah prioriteeremh utnieh mah psykiske healsoem nænnoestieh saemien maanaj jïh noeri luvnie. Jïh prosjekth mah viehkiehtieh hööptedh jïh giehpiedidh låhkoem aemieluesiemistie, aemieluesemevoejhkelimmeste jïh jïjjeslæjrarimmeste, jïh prosjekth mah hijven healsoem båatsosne eevtjieh.

—Saemien healsoedåehkie tjoevkesem beaja gellielaaketje healsoehaestiemidie saemien årroji luvnie. Mijjieh dam guarkebe goh dej barkoe lea joekoen daerpies, jïh dan åvteste vihkele Saemiedigkie maahta meatan årrodh sjïehteladtedh guktie barkoe maahta jåerhkedh, Myrnes Balto jeahta.

Dåarjoe daan prijoriteeten mietie vadtasåvva: Prosjekth mah daajroem saemien jïh gïelen jïh kultuvren bïjre evtiedieh saemien healsoen, hoksen jïh maanavaarjelimmien sisnjeli.