Sïelteevtiedimmieprogrammine voenges beapmoegåassoehtimmiesijjide nearhka

Sïelteevtiedimmieprogrammine voenges beapmoegåassoehtimmiesijjide nearhka

– Voenges beapmoegåassoehtimmiesijjieh leah joekoen vihkele voenges seabradahkine. Dah leah iemie gaavnedimmiesijjieh, barkoefaalije jïh deallahtæjja beapmoekultuvreste, saemiedigkieraerie Silje Karine Muotka (NSR) jeahta. Dan åvteste Saemiedigkie sïelteevtiedimmieprogrammine Faamoe nearhka voenges beapmoegåassoehtimmiesijjide.

BildeKlikkForStorVersjonSaemiedigkieraerie Silje Karine Muotka (NSR) Kenneth Hætta Saemiedigkie sæjhta doh voenges beapmoegåassoehtimmiesijjieh tjïeltine Karasjohke, Guovdageaidnu, Porsanger, Deatnu jïh Unjárga jarngese bïejedh.

Daelie barkoe sïjsebïeljelimmine aalka sïelteevtiedimmieprogrammese Faamoe Lokalmat.

– Mijjieh vuejnebe gellie sïelth Saepmesne nuepiem utnieh mïerhkevaaroem nænnoestidh jïh ekonomijegoerkesem lissiehtidh, seamma tïjjen goh sijjen viermiem nænnoestieh. Daate abpe konsepte Faamojne, Muotka jeahta.

Programmen ulmie lea voenges beapmoegåassoehtimmiesijjiej dïenestem lissiehtidh, jïh dejtie skraejriem vedtedh voenges beapmoeh lïhkebistie nuhtjedh. Koronapandemijen gaavhtan mijjieh voenges beapmoeh, beapmoejearsoesvoetem jïh beapmoeproduksjovnem jïh klijmam jïh byjresem vielie pryöjjadibie.

– Dan åvtese daate prosjekte joekoen sjyöhtehke jïh daan tïjjese sjeahta, Muotka jeahta.

Dïhte veanhta doh voenges beapmoegåassoehtimmiesijjieh leah joekoen vihkele voenges seabradahkide, jïh vihkeles skraejrie årromelastoem sjugniedidh.BildeKlikkForStorVersjonPiadine med reinsdyrkjøtt, rødløk, tyttebærkremost og salat Marie Louise Somby, Árvu

– Dah gaavnedimmiesijjiem seabradahkese vedtieh, voenges noeride hijven barkoedååjrehtimmiem vedtieh, barkoesijjieh sjugniedieh jïh fealadæjjide maam joem dehtie voenges saemien kultuvreste faalehtieh, Muotka jeahta.

Visjona AS programmem Faamoe Lokalmat jåhta Saemiedigkien åvteste.

Jis gyhtjelassh jallh gihtjehtimmie, gaskesadth saemiedigkieraeriem Silje Karine Muotka (NSR), mob. +47 984 87 576, silje.karine.muotka@samediggi.no