Muitotávval čájeha sámi ávnnasgeavaheami mas ceavzilvuohta ávnnasválljemis ja hábmemis lea guovddážis. Dat galgá čájehit ja muittuhit ahte sámit leat álgoálbmot geain leat iežaset árvvut ja árbevierut. Nama lea maŋŋá duojár Martha Jåma gorron datneárppuin. Jon Ole Andersen lea ráhkadan muorrarámma.

Sisti oainnusmahttá historjjálaš dáhpáhusa ja váikkuha sámiid politihkalaš stáhtusa eanet oainnusmahttima ja dohkkeheami Norggas. Dan vuolláičálii Majestehtalaš Gonagas Olav V muitun vuosttaš sámedikki historjjálaš rahpamis.

Sistečikŋa speadjalastá muittuid sámiid birra nomádaálbmogin ja siseatnanolmmožin. Sisti lea mihtilmas estehtalaš almmuhanvuohki, dasa lassin go ovdanbuktimis iešalddis lea stiila dáfus árvu. Mii jáhkkit ahte Gonagas Olav V vuolláičálus sisttis lea deaŧalaš oassi Sámedikki historjjás ja das lea nana symbolaárvu.

Sistemuitotávval, maid Majestehtalaš Gonagas Olav V lea vuolláičállán golggotmánu 9. b. 1989 váldojuvvui mielde oassin Norgga dokumeantaárbbis 2020:s