Sámediggi hágai 2019:s vuoigatvuođaid Iŋgor Ántte Ánte Mihkkalis Sámedikki luohtái maid son ráhkadii 1989:s Sámedikki rahpamii.
Ánte Mihkkal Gaup juoiggai 1989:s luođi vuosttaš geardde. Dál lea Sámedikki luohti gullamis digitála hámis.
Go Sámedikkis lea dievasčoahkkin, gohččojuvvojit áirasat sajiideaset Sámedikki luđiin. Sámediggái lea dehálaš ahte árbevierut gullojit ja oidnojit, ja danne galgá dievasčoahkkin luđiin čohkkejuvvot.
Luođi dajahusat leat ná:
"Sámedikki dajahallá,
Dál don galggat deaivat,
seavdnjadin ja dálkin maid
Čuvodit daid máđiijaid
máttuid geainnolaš bálgážiid
Ja boahttevaš geainnuid dihkkádit
luondduin gulahallamiin
Sámi čáppa vugiiguin
Juo, Sámedikki dajahallá"
Guldal Sámedikki luođi: