Juohke dearvvašvuođastašuvdna árvvoštallá ieš goas heive buoremusat juohkit girjjiid. Sámediggi sávvá ahte buot sámi smávvamánát ožžot dán doarjaga.

Dát čuovvuluvvo girjeskeaŋkkaiguin girjerádjosis go mánná lea sullii guokte jagi ja sullii njeallje jagi.

Loga munnje hásttuha váhnemiid hupmat, lohkat ja lávlut mánáiguin álggu rájes, sámegillii. Áigumuš lea doarjut dan barggu mii juo dahkko dearvvašvuođastašuvnnas go ovddidit giellaovdáneami ja buori ovttasdoaimma váhnemiid ja mánáid gaskkas.

Váldoáigumušat

Loga munnje! lohkanáŋggirdeamis leat golbma váldoáigumuša:

• Nannet váhnemiid dehálaš rolla mánáid giella- ja identitehtaovdáneamis.
• Láhčit dili mánáide geain lea máŋggagielatvuohta nu ahte besset ovdánahttit sámegiela eatnigiellan nu bures go vejolaš sin eavttuid ektui.
• Dagahit sámi girjjálašvuođa olámuttos smávvamánáide ja sin váhnemiidda.

Viečča infomateriála ja plakáhtaid

Diŋgojupmi

sambib@samediggi.no

Diŋgojumis namuhat galle girjji ja makkár sámegillii. 

Sámedikki girjerájus sádde girjepáhka nuvttá, mii fátmmasta poastagoluid. Páhkka sáddejuvvo njuolga dearvvašvuođastašuvdnii.

Čále poastačujuhusa, oktavuođadieđuid mas lea e-boastačujuhus ja telefonnummar.