Ovttasbargu dearvvašvuođabálvalusain

Loga munnje addá vejolašvuođa ovttasbargat dearvvašvuođabálvalusain gos ovddidat jitnositlohkama, lohkanmovtta ja árra giellaovdánahttima. Evttohus dihto ovttasbargovuogit sáhttet leat:

• Girjerájus addá rávvagiid girjjiid birra maid dearvvašvuođaguovddáš galggašii oastit sisa dahje ráhkadit plakáhta mii čujuha girjiide ja heaŋgá vuordinlanjas.
• Dearvvašvuođabálvalus juohká dieđuid bearašdoaluide nu go lávlun njuoratmánáiguin ja jitnositlohkanbottut girjerádjosis.
• Girjerájus fállá lanjaid njuoratmánáiddeaivvademiide girjerádjosis.
• Jitnositlohkanbottut dearvvašvuođabálvalusas dahje rabasmánáidgárddiin.

Ovttasbargu mánáidgárddiin

Liidneveaskogirjerájus! lea ovttasbargu gaskkal mánáidgárddi ja girjerádjosa.

Girjerájus sáhttá soahpamuša bokte mánáidgárddiin álggahit “liidneveaskogirjerádjosa” mánáidgárdái nu ahte girjeveaskkut biddjojit váhnemiid olámuttos.

• Girjerájus váldá oktavuođa mánáidgárddiin, oahpásnuvvá ja muitala fálaldaga birra.
• Girjerájus gokčá luoikama ja divodeami liidneveaskogirjerádjosis.
• Girjjit galget leat dan sámegielas mii lea guoskevaš mánáidgárdái, heivehuvvon mánáide gaskkal 1-3 jagi ja 4-6 jagi.
• Girjerájus lonuha sisdoalu liidneveaskkuiguin oktii jahkebealis/dárbbuid mielde/ sávaldagaid mielde.
• Girjerájus gaskkusta sisdoalu liidneveaskogirjerádjosis go bukto ruovttoluotta/lonuhuvvo.

Jitnositlohkan, lávlun, juoigan, riibma ja hoahkan, muitalusat leat dehálaččat ja mávssolaččat mánáid giellaoahppamis.