Báikenamat lea min buohkaid oktasaš kulturárbi, ja láhka fuolaha dárogiel, sámegiel ja kvenagiel báikenamaid nationála lágaid ja riikkaidgaskasaš šiehtadusaid ja konvenšuvnnaid mielde.

Sámi báikenammanevvohat lea leamaš Sámedikki vuolde 2002 rájes. Sámi nammanevvohat bargá báikenammalága, Lov om stadnamn mielde, ja Báikenammalága láhkaásahusa mielde, ja meannuda nammaáššiid lága mearrádusaid ja láhkaásahusa vuođul. Nammanevvohagas leat fágalaš nammakonsuleanttat sihke davvisámi, julevsámi ja lullisámi namaide, geain lea fágalaš ovddasvástádus das mainna lágiin báikenamat rávvejuvvojit ja evttohuvvojit čállot virggálaš oktavuođain.

Loga báikenammalága 

Loga báikenammalága láhkaásahusa

Sámedikki báikenammanevvohat lea ráhkadan njuolggadusaid movt davvisámegiel báikenamat galget čállot. Njuolggadusaid ulbmilin lea sihkkarastit ahte davvisámegiela báikenamaid normeren čuovvu gielalaččat seammalágan prinsihpaid, ja lassinjuolggadusaid ulbmilin lea konkretiseret láhkaásahusa gáibádusaid ja heivehanvejolašvuođaid. 

Loga: Lassinjuolggadusat davvisámegiel báikenamaid čállimii (PDF, 467 kB)

Geahča logaldallama Sámedikki báikenammanevvohaga birra báikenammaáššiin, Sámedikki seniorráđđeaddi Ardis Ronte Eriksen bokte: