Ođđa ohcanáigemearri

• 02.04.24 dii. 16.00.

Ohccit fertejit logget sisa ID-porten bokte.

Ohcanskovvi (gáibida sisaloggema)

Dán ortnega njuolggadusat 

1 Doarjjaortnega mihttomearri ja vuoruheamit

1.1 Doarjjaortnega mihttomearri

• Bisuhit máŋggalágan organisašuvdnaeallima ja sihkkarastit stabiila ekonomalaš vuođu organisašuvnnaide.

1.2 Ulbmilolahusa eavttut

• Doarjjaoažžu doallá čoahkkimiid ja eará doaimmaid.
• Doarjjaoažžu čalmmustahttá organisašuvnna doaimmaid.

2 2    Ohcama sisdoallu ja hápmi

2.1 Doarjjaoažžu / Geat sáhttet ohcat

• Sámi váldoorganisašuvnnat mat leat registrerejuvvon Norgga Ovttadatregistarii.
• Organisašuvnnat fertejit duođaštit ahte sis leat leamaš unnimusat 500 miellahtu 31.12 guokte jagi ovdal bušeahttajagi. Dan ferte revisora dahje stáhtafápmuduvvon revisora duođaštit ja galle báikkálaš searvvi.
   

2.2 Ohcanáigemearri

• Sámediggeráđđi mearrida ohcanáigemeari.

2.3 Gáibádusat ohcamii

• Ohcan galgá sáddejuvvot Sámedikki doarjjaportála bokte. 
• Ohcamat mat eai ollašuhte ohcaneavttuid, hilgojuvvojit.
• Sus guhte vuolláičállá ohcama, ferte leat fápmudus geatnegahttit fitnodaga/ásahusa.
• Ohcci lea geatnegahtton addit buot dieđuid mat leat dárbbašlaččat ohcama meannudeapmái.
• Ohcamis galgá leat čilgehus movt guoddevašvuohta/birgejupmi lea áimmahuššon prošeavttas.

3 3    Ohcamiid meannudeapmi

3.1 Ohcamiid meannudeapmi

• Sámediggi viežžá kredihttadieđuid ohcci birra.
• Váilevaš raporteremat ja gárvvisteami maŋŋoneamit ovddeš doarjjaáššiin sáhttet váikkuhit ohcama meannudeapmái. 
• Meannudanáigi:
  • Doarjjaortnegat main lea ohcanáigemearri meannuduvvojit golmma mánu sisa dan rájes go ohcanáigemearri dievvá
• Sámediggi sáhttá jearrat eanet duođaštusaid dahje dieđuid.
• Sámediggi váldá várašumi ahte ohcansubmi ja prošeavtta viidodat sáhttá muddejuvvot oassin doarjjaruđaid obbalašrámma árvvoštallamis.

3.2 Mearrádus ja dohkkeheapmi

• Doarjjaoažžu galgá ovdal go lea gollan 3 vahku doarjjareivve dáhtona rájes dohkkehit doarjjaeavttuid Sámedikki doarjjaportála bokte. Jus Sámediggi ii oaččo eavttuid dohkkeheami, sáhttá doarjja sihkkojuvvot duođi eanet dieđitkeahttá.
• Sus guhte vuolláičállá doarjjaeavttuid, ferte leat fápmudus geatnegahttit fitnodaga/ásahusa.

3.3 Eavttut doarjjaožžui 

• Doarjjaoažžu galgá almmuhit ahte Sámediggi lea dorjon prošeavtta/doaibmabiju.
• Seamma prošeakta/doaibmabidju ii sáhte oažžut doarjaga máŋga doarjjaortnega bokte Sámedikkis.
• Ii addojuvvo eanet doarjja seamma prošektii/doaibmabidjui masa lea ožžon doarjaga Sámedikkis.

3.4 Máksineavttut

• 75 % doarjagis máksojuvvo dalle go prošeakta/doaibmabidju álggahuvvo ja 25 % dalle go mearrádusa eavttu leat ollašuhttojuvvon, ja doarjjaoažžu lea raporteren doarjjaortnega raporterenplána ektui.
• Jos ohcci ovdal lea ožžon doarjaga Sámedikkis ja doarjjaoažžu lea rihkkon doarjjaeavttuid, de sáhttá dat dagahit dan ahte máksimat bissehuvvojit dassážiigo eavttuid rihkkun lea nohkan. 
• Doarjjaruđaid ii sáhte sirdit čuovvovaš bušeahttajahkái. Daid sáhttá geavahit dušše dán bušeahttajagi. Maŋimuš máksinávžžuhusa ferte sáddet maŋimusat 01.06. dan jagi go doarjja juolluduvvo.
• Doarjjalohpádus sihkkojuvvo jos áigemearri ii dollojuvvo, ja geavatkeahtes ruđat sáddejuvvojit ruovttoluotta Sámediggái maŋŋá áigemeari.
   

4 4    Meroštallannjuolggadusat, definišuvnnat ja EEO-njuolggadusat

4.1 1.1        Meroštallannjuolggadusat

• Vuođđodoarjja:
  • 30 % jahkásaš rámmas juogaduvvo luohtta organisašuvnnaid gaskka mat ollašuhttet juolludaneavttuid.
• Lahttodoarjja:
  • 70 % jahkásaš rámmas juogaduvvo luohtta lahttologu mielde mii lea guokte jagi ovdal bušeahttajagi.

4.2 Definišuvnnat

Sámi váldoorganisašuvdna:
Sámi váldoorganisašuvdna lea organisašuvdna miehtá riikka mas lea viidodat doaimmain. Dat mearkkaša ahte doaimmat eai leat ráddjejuvvon sierra suorgái servodagas. Organisašuvnnas leat sihke politihkalaš barggut, kulturdoaimmat ja oahppodoaimmat.

4.3 EEO-njuolggadusat

• Sámedikki doarjjaortnegat fertejit leat EEO-šiehtadusa njuolggadusaid rámmaid siskkobealde stáhta doarjaga ektui. Sámediggái gusket EEO-šiehtadusa mearrádusat seamma láhkai go stáhta- gieldda- ja fylkkahálddašeapmái dan ektui movt almmolaš doarjagat galget juolluduvvot.  
• Doarjja juolluduvvo EEO-šiehtadusa njuolggadusaid vuođul binnánaš doarjagiid birra. Njuolggadusat binnánaš doarjagiid birra čuvvot skábmamánu 14. b. 2008 láhkaásahusa nr 1213. Dáid njuolggadusaid mielde ii sáhte doarjjaoažžu vuostáiváldit binnánaš doarjaga eanet go oktiibuot 200 000 Euro 3 jagi rehketdoallojagi áigodagas. 
• Ovdalgo doarjaga sáhttá máksit ferte doarjjaoažžu duođaštit Sámediggái ahte ii oaččo binnánaš doarjaga eará sajis máksinjagi dahje guovtti ovddit jagiin mat oktiibuot Sámedikki doarjagiin gaskamearálaččat eai leat eanet go 600 000 Norgga ruvnnu. Vejolaš ođđa almmolaš doarjjaohcamiid oktavuođas (beroškeahttá gos oažžu doarjaga) lea doarjjaoažžus geatnegasvuohta dieđihit dán doarjaga birra. Dieđihangeasku gusto 3 rehketdoallojagi fálaldatáigemeari rájes.  
• ESA sáhttá geatnegahttit norgga eiseválddiid, maiddái Sámedikki, gáibidit doarjaga ruovttoluotta doarjjaoažžus jos doarjja ii leat addojuvvon njuolggadusaid mielde dahje doarjjaoažžu ii geavat doarjaga dan ulbmilii masa lea addojuvvon. 

5 Raporteren

5.1 Ulbmilolahusa eavttuid raporteren

•    Čoahkkimiid ja doaimmaid lohku.
•    Čilgehus organisašuvnna doaimmas dahje jahkeraporta/jahkedieđáhus.
•    Doarjjaoažžu raportere bohtosiid prošeavtta/doaibmabiju mihttomeari ektui.
•    Raporteren galgá dahkkot Sámedikki doarjjaportála bokte.

5.2 Rehketdoalu raporteren

• Rehketdoalu raporteren galgá dahkkot Sámedikki doarjjaportála bokte.
• Doarjjaoažžu galgá ovdal 01.06. buktit organisašuvnna diimmá jahkerehketdoalu ja ovddit jagi kontospesifiserejuvvon rehketdoalu.
• Jahkerehketdoalu galgá stáhtafápmuduvvon revisora duođaštit,
• Stáhtafápmuduvvon revisora galgá duođaštit ahte lahttomáksu lahtu nammii lea unnimusat 100 ru. jahkái. Lahttomáksu nuoraid ovddas (ahkejoavku gaskal 0–25 jagi) lea 50 ru. jahkái. Duođaštus sáddejuvvo Sámediggái maŋimusat 01.06.
• Jos ruđat geavahuvvojit bálkkáide ja honoráraide, lea doarjjaoažžus bargoaddiovddasvástádus ja ferte dábálaš vuogi mielde geassit vejolaš ovdagihtii vearu ja fuolahit buhtadusa dieđiheamis guoskevaš gieldda gielddakássii.
• Rehketdoalu galgá leat vuolláičállán jođiheaddji/ovddasvástideaddji.
• Rehketdoallu ruđaid geavaheamis galgá čájehit ollislaš goluid ja dietnasa. Dasa gullet prošeavtta/ doaibmabiju eará vejolaš doarjagat ja dietnasat. Rehketdollui galgá váldit mielde dušše dakkár goluid ja dietnasiid mat njuolga leat čadnojuvvon prošeavtta/doaibmabiju čađaheapmái.
• Rehketdoallu ruhtageavaheamis galgá duođaštuvvot ná:
• Vuollel 100 000 ruvdnosaš doarjaga ruhtageavaheapmi galgá duođaštuvvot dohkkehuvvon rehkegiin ja báŋkoduođaštusain ahte rehket lea mákson.
• Badjel 100 000 ruvdnosaš doarjaga ruhtageavaheami rehketdoalu galgá stáhtaautoriserejuvvon dahje registrerejuvvon revisora/rehketdoalli duođaštit.
• Doarjjaoažžu gii lea registrerejuvvon lassiárvodivatregistaris, galgá rehketdoalus čájehit goluid ja dietnasiid lassiárvodivada haga. Dát ii guoskka sidjiide geat leat luvvejuvvon lassiárvodivadis dahje ožžot spiehkastit lassiárvodivada rehkenastimis.

5.3 Oppfølgning og evaluering

Sametinget kan iverksette kontroll hvorvidt midlene nyttes etter forutsetningene. - Sametinget kan be om ytterlige opplysninger. Dette gjelder opplysninger som skal brukes i statistikk og annen rapportering. 5.4 Tilbakebetaling og annullering av tilskudd - Ved ferdigstillelse av prosjektet/tiltaket skal ubenyttede tilskuddsmidler tilbakebetales til Sametinget. - Sametinget krever tilbakebetaling av for mye utbetalt tilskudd. - Sametinget vil trekke tilbake tilsagn om tilskudd, holde tilbake tilskudd eller kreve tilbakebetaling av utbetalte tilskudd dersom: o Tilskuddsmottakeren har brutt opplysningsplikten. o Tilskuddsmottaker har brutt bestemmelsene i dette regelverket. o Tilskuddet ikke benyttes i henhold til formålet med tildeling og vilkårene fastsatt i tilskuddsbrevet. o Det er begjært oppløsning/oppbud, fremsatt konkursbegjæring, åpnet private eller offentlige gjeldsforhandlinger hos tilskuddsmottaker eller tilskuddsmottaker innstiller sine betalinger. o Tilskuddsmottaker har solgt investeringen sin innen fem år. Dette gjelder de investeringene som Sametinget har gitt tilskudd til. - Dersom mottaker ikke betaler tilbake, kan Sametinget iverksette rettslige skritt for å få utbetalt tilgodehavende. Dersom tilbakebetaling ikke skjer innen den frist som blir gitt, kreves forsinkelsesrenter i tillegg, jf. lov 17. desember 1976 nr. 100 om renter ved forsinket betaling m.m.